Detaje të reja bëhen të ditura lidhur me ekzekutimin e ish-drejtorit të Policisë së Vlorës, Artan Cuku. Pas informacioneve të djeshme se u qëllua katër herë në drejtim të tij, flitet se ai është qëlluar me pesë plumba, katër prej të cilëve në gjoks dhe një në kokë.
Dy atentatorët e atentatit që i mori jetën ish-zyrtarit të policisë kishin përgatitur të gjithë mekanizmin e ekzekutimit të tij. Njëri prej tyre ishte vendosur në hyrje të pallatit, ndërsa i dyti ishte fshehur brenda. Menjëherë pas ngjarjes së rëndë, ata janë larguar me motor nga vendngjarja.
Cuku njihet për kontributin e tij në polici, pasi mbajti poste nga më të rëndësishmet në Tiranë dhe në rrethe të tjera të vendit.
Nga viti nga 2012 deri në vitin 2013, ai ka punuar si zëvendës drejtor i policisë së Tiranës apo dhe drejtor i Policisë së Vlorës. Ndërsa nga viti 2009 deri në vitin 2011, ka qenë nëndrejtor i Policisë për Krimet e Rënda në Tiranë. Jo vetëm kaq por ai ka qenë shef krimesh edhe në Shkodër, edhe në Fier.
(XH.A/SHUPLAKA)
Discussion about this post