Fax News ka mësuar detaje të reja për sa i përket ekzekutimit me plumb në zemër të oficerit të policisë kriminale në Lezhë, Saimir Hoxha.
Gazetari i Fax News Elvis Myrta thotë se policia sapo kishte finalizuar me sukses një operacion anti-drogë në Lezhë, aty ku ishin asgjesuar rreth 110 rrënjë lëndë narkotike.
Më pas, tre nga efektivët i janë afruar me makinë pa fenelina një makine të dyshimte, ku ishte autori i ngjarjes.
Hoxha ka zbritur nga makina dhe i është afruar autorit, i cili nuk ka qenë i shoqeruar por ka qenë i vetëm në makinë, në sediljen e shoferit. Dyshohet se oficeri është qëlluar pa paralajmërim dhe se kolegët nuk kanë mundur të reagojnë pasi kanë shkuar në ndihmë të kolegut.
“Ka përfunduar një aksion anti kanabis ku jane asgjesuar mbi 100 bimë narkotike. Më pas kanë qenë 3 oficerë policie me makinë pa fenelina policia. Tre efektivët kanë konstatuar automjetin ku ndodhej 21 vjeçari. Pasi e kanë ndaluar, efektivi Hoxha është afruar dhe 21 vjeçari e ka qëlluar. Dy efektivët nuk kanë pasur mundësi të reagojnë sepse po i jepnin ndihmën e shpejtë kolegut. Autori ka qenë shofer dhe ka qenë i vetëm në makinën e tij. Nga komunikimet që kam pasur, janë të paktën 4 qarqe ku po bëhen kontrolle intensive, qarku Durrës, Tiranës, Lezhës dhe Shkodrës. FNSH ka ngritur pika kontrolli në këto qarqe dhe pothuajse po ndalohet çdo makinë. Kanë ndaluar automjetin dhe autori ka qëlluar direkt pa asnjë lloj reagimi. Kanabizimit të Shqipërisë duhet t’i vijë fundi. Nuk duhet të kemi më vitkima, sidomos nga radhët e policisë. Jugu nuk ka më parcela por tashmë kemi veriun që është kanabzuar shumë. Kemi një dëshmor atdheu, se Hoxha padyshim do shpallet dëshmor. Kemi dy fëmijë jetimë. Kemi shumë dëme nga ky fenomen i përhapur”, tha gazetari Myrta.
(E.H/Faxweb.al)
Discussion about this post