Ditë pas dite të tjera detaje zulohen nga grabitja e javës së kaluar në afërsi të Rinasit, ku disa persona vodhën 2.7 milion eurot e një banke të nivelit të dytë.
Lidhur me këtë ngjarje, deri më tani janë arrestuar dhjetëra persona, midis të cilëve bëjnë pjesë edhe pesë policët e sigurimit “Jaguar”.
Vetëm një ditë më parë, në komisariat u shoqëruan edhe dy persona të tjerë nga Lushnja, të cilët rreth orës së krimit, ndodheshin në të njëjtin aks rrugor.
Pas marrjes në pyetje, policia ka liruar njërin prej tyre ndërsa tjetri ende mbahet në Policinë e Tiranës, pasi ende nuk ka dhënë asnjë arsye konkrete se pse ndodhej në atë aks rrugor në atë orar. Megjithatë, sipas informacioneve të reja që vijnë nga organet hetimore, mendohet se autorët e grabitjes janë kosovarë. (D.D/Shuplaka)
