Detaje të reja janë zbardhur nga operacioni ndërkombëtar i zhvilluar si rezultat i bashkëpunimit të policisë shqiptare, greke dhe italiane. Mësohet se deri më tani janë grumbulluar rreth 1991 kg lëndë narkotike dhe është identifikuar njëri prej skafistëve.
Burime zyrtare të Policisë së Shtetit kanë bërë të ditur se vendi ku identifikua mjeti lundrues skaf është në jug të Korfuzit, rreth 110 milje larg brigjeve shqiptare.
Dyshohet se skafi mund të ketë pikë nisjeje edhe jashtë brigjeve shqiptare. Rezulton se njëri nga skafistët e identifikuar ka dalë nga Shqipëria më 30.1.2017 nga PKk Kakavijë.
Nga hetimet e deritanishme s’rezulton që skafi të jetë nisur nga Shqipëria. Bëhet e ditur se si nga analizimi i provave të sekuestruara, ka rezultuar se mënyra e ambalazhimit të drogës nuk është e njëjtë me atë që bëhet në Shqipëri.
Veç kësaj, lënda narkotike e nisur nga Shqipëria, e sekuestruar qoftë nga policia italiane apo ajo greke, ka pasur shenja dalluese për ata që do ta prisnin në mbërritje. Referuar koordinatave ku është identifikuar skafi dhe distancave nga brigjet tona, s’është arritur në përfundimin se mjeti është nisur nga Shqipëria. (XH.A/SHUPLAKA)
Discussion about this post