DETAJE të reja nga përplasja me armë te “Komuna e Parisit”, kush është pronari i “Benzit” ku u plagos 24-vjeçari

Të tjera detaje dalin në dritë pas ngjarjes së rëndë të ndodhur mbrëmjen e sotme në “Komunën e Parisit” në kryeqytet, ku mbeti i plagosur një 24-vjeçar me inicialet L.H.

Mësohet se kanë qenë dy automjete të cilat mbrëmjen e sotme kanë shkëmbyer zjarr mes tyre, ku i i plagosuri udhëtonte në mjetin tip Benz me targë AA 777 RT.

Policia bën me dije se “Benzi” rezulton në emër të Xhevdet Hoxhës. Mirëpo ende nuk është e qartë se çfarë lidhje ka ky me të plagosurin.

Ky i fundit ndodhet në spital nën kujdesin e mjekëve. Ndërkohë në kryeqytet janë ngritur pika kontrolli në çdo hyrje-dalje.

Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes. (D.D/Shuplaka)