Detaje të reja nga vdekja e 50-vjeçarit në Fier, Albpetrol: Nuk është punonjës i kësaj kompanie

Një 50-vjeçar ka gjetur vdekjen gjatë ditës së sotme pasi ai është rrëzuar nga lartësi teksa po punonte për rregullimin e një çatie.

Në një deklaratë zyrtare, policia njoftonte se 50-vjeçari me inicialet A.G., është rrëzuar nga një lartësi dhe se viktima punonjës i ndërmarrjes së Naftës në Kuçovë.

Ndërkohë që Albpetrol njofton se viktima nuk ishte punëtor I kësaj kompanie por I një firme private  ndërtimi që po punonte për rregullimin e një çatie.

Deklarata e Policisë:

Më datë 11.03.2019, rreth orës 14:30, në Ndërrmarjen e Naftës Kuçovë është rrëzuar nga një lartësi, punonjësi i kësaj ndërrmarje, shtetasi A.G, 50 vjeç, banues në Fier, ku për pasojë ka humbur jetën gjatë transportimit me ambulancë për në Spitalin Rajonal Berat.

Grupi hetimor në vendngjarje po punon për zbardhjen e plotë të ngjarjes.

(F.GJ/FAXWEB.AL)