Janë zbardhur detaje të reja në lidhje me ekzekutimin e Santiago Malkos, 26-vjeçarit i cili u qëllua për vdekje në rrugën Xhanfize Keko në zonën e Xhamllikut në kryeqytet.(Lexo këtu)
Burime bëjnë më dije se në vendin e ngjarjes janë gjetur mbi 10 gëzhoja. Ndëkohë që policia ka shoqëruar edhe 10 persona që mund të kenë lidhje me ngjarjen.
Burime nga policia thonë se për ekzekutimin e Malkos, janë përdorur dy automjete, të llojit Mercedes Benz, një prej tyre është gjetur e djegur në fshatin Ferraj të Tiranës, pranë zonës së Shish Tufinës.
Grupi hetimor ka ngritur pistat e para të hetimit dhe ka shpallur deri më tani si të dyshuar personin D. A., i cili rezulton me precedentë penalë në fushën e narkotikëve dhe armëmbajtjes pa leje.
Ndërkohë, brenda mejtit tip “Mercedes” i cili u gjet i djegur në fshatin Ferraj, është gjetur edhe një armë, e cila dyshohet se është përdorur nga autorët për vrasjen e të riut.
Santiago Malko, ish-punonjës policie u vra brenda mjetit të tij tip BMWX5, mbrëmjen e kaluar rreh orës 22:20. Bëhet e ditur se 26-vjeçari ka qenë në lëvizje me mjetin e tij, teksa është qëlluar me kallashnikov, e më pas ka humbur kontrollin e mjetit duke u përplasur me një mur anës rrugës.
Paraprakisht, thuhet se ai ka njohje me një grup kriminal në Tiranë, ndërsa në vitin 2016 është përfshirë në një konflikt me dy vëllezër.
(M.Q/Faxweb.al)
