Drejtoria malteze e Doganave ka bërë sot një deklaratë për mediat, pas sekuestrimit të kokainës me vlerë 2.7 milion euro, të gjetur në portin “Freeport” të Maltës.(lexo këtu)
Në deklaratën e Drejtorisë së Doganave thuhej se rreth 24 kg kokainë, e cila kishte si destinacion Shqipërinë, ka qenë e fshehur në një kontenier frigoriferik.
Lënda narkotike është gjetur rastësisht pas skanimit të kontenierit nga njësia e kontrollit të “Freeportit” pas vënies re vënë re disa parregullsive.
Sipas Drejtorisë së Doganave, droga ka qenë e fshehur në kompresorin e ftohtësit dhe se pakot e kokainës ishin shënuar me shkronja si “GN” dhe fotografi dalluese.
Ndërkohë që kujtojmë se kapja e kësaj sasi të madhe kokaine vjen pas vetëm 48 orë pas kapjes së 91.2 kilogram kokaine po në të njëjtin port.
