Detaje të reja/ Përmbyset furgoni i shkollës, 5 të plagosur, një 18 vjeçare niset drejt Tiranës

Një aksident  i rëndë ka ndodhur në Berat. Një mikrobus me nxënës shkolle ka dalë nga rruga.

Në orën 07:35, mjeti me targa AA 445 KE me drejtues shtetasin A.H, që transportonte nxënës shkolle nga fshatrat Buzuq dhe Orizaj për në shkollën e Çorovodës, ka dalë nga rruga.

Për pasojë nxënësit E.K, 17 vjeçe , A.K, 17 vjeçe, R.H, 17 vjeç dhe B.H, 17 vjeç po dërgohen në Spitalin Rajonal Berat për të marrë ndihmë mjekësore, ndërsa nxënësja R.K, 18 vjeçe, po transportohet në Spitalin e Traumës në Tiranë për ndihmë më të specializuar.

Grupi hetimor në vendngjarje, po punon për zbardhjen e plotë të shkaqeve të aksidentit.

Nga të dhënat paraprake bëhet e ditur se drejtuesi i mjetit ka humbur kontrollin. Mjeti po udhëtonte drejt Skraparit. Mikrobusi ka qenë duke transportuar disa nxënës shkolle në këtë zonë.

https://www.youtube.com/watch?v=tTslLsx5mSk&feature=youtu.be

(M.Q/Faxweb)