Detajet e fundit nga vrasja me thikë e 22 vjeçarit në Tiranë, si u masakrua i riu për një karikues telefoni

Policia ka zbardhur vrasjen e të riut 22 vjeçarit tek stadium Dinamo.

Të rinjtë janë konfliktuar për një karikues telefoni. 

M.M, 22 vjeç u konfliktua me Dejvi Bitraj, 19 vjeç, në ndihmë të Dejvi Bitraj, shkoi dhe kushëriri i tij, Eugen Bitraj, 24 vjeç, bashkë me Kridens Alla, 19 vjeç dhe Marsel Alla, 23 vjeç.

Informacioni i policise:

Më datë 31.07.2017, rreth orës 23.30 në rrugën ” Gjin Bue Shpata”, shtetasi M.M., 22 vjeç është konfliktuar për motive të dobëta me shtetasin Dejvi Bitraj, 19 vjeç.

Në ndihmë të shtetasit Dejvi Bitraj, ka ardhur kushëriri i tij shtetasi Eugen Bitraj, së bashku me shtetasit Kridens Alla dhe Marsel Alla.

Gjatë konfliktit shtetasi Eugen Bitraj ka nxjerrë thikën dhe ka goditur shtetasin M. M., i cili për pasojë ka gjetur vdekjen në spital.

Si rezultat i reagimit të shpejtë e profesionl të shërbimeve të policisë së Drejtorisë Vendore të Policisë Tiranë është bërë e mundur zbardhja në kohë reale e ngjarjes, kapja dhe shoqërimi i gjithë personave të përfshirë në konflikt.

Në përfundim të veprimeve të para hetimore është bërë arrestimi si autor i ngjarjes i shtetasit:

– Eugen Bitraj, 24 vjeç, banues në Tiranë. Si dhe janë arrestuar si bashkëpuntorë në krim shtetasit :

-Dejvi Bitraj,19 vjeç, banues në Tiranë.

– Kridens Alla,19 vjeç, banues Tiranë

– Marsel Alla, 23 vjeç, banues Tiranë.

Materialet u referuan në Prokurori, në ngarkim të shtetasve të mësipërm, për veprën penale të “Vrasjes me Dashje e kryer në bashkëpunim “ parashikuar nga nenet 76 dhe 25 e Kodit Penal. (B.H/Shuplaka)