Ai është padyshim një nga lojatrët më të mirë të botës. Këtë fundvit suksesi i tij u kurorëzua edhe me fitimin e ‘’Topit të Artë’’ pak ditë më parë. Po për yllin portugez asnjëherë nuk kanë munguar ofertat e ccmendura.
Më e fundit ka ardhur nga Kina, ku klubit madrilen i është ofruar 300 milionë Euro për të marrë shërbimet e sulmuesit. Ofertë e cila është refuzuar menjëherë nga Klubi. Do të duhet akoma kohë që Ronaldo të bëhet gati për të varur këpucët në gozhdë dhe të shkojë të luajë në një kampionat të dorës së dytë si ai kinez pavarësisht pagesës.
Lajmin për këtë ofertë e ka bërë publike vetë agjenti i futbollistit Jorgo Mendes për Sky Sport.
“Një klub kinez të cilit nuk dua t’ja bëj të ditur emrin, ofroi një shifër më të madhe se 300 milionë euro për Cristiano Ronaldon dhe më premtoi se Cristiano do të paguhej 100 milionë euro në vit. Jua komunikova këtë ofertë klubit edhe lojtarit, por as nuk deshën ta dëgjonin. Për Cristianon, paraja nuk është gjithçka. Ai është i dashuruar me Realin”, ka thënë Jorgo Mendes, agjenti i futbollistit. (E.K/SHUPLAKA)
Discussion about this post