DETAJET e plota, Emiljan Gjepalit i gjenden disa lloje armësh dhe kokainë e ndarë në qese

Emiljan Gjepali 34 vjeç, banues në Shijak është arrestuar nga ana e Policisë së Durrësit pasi i janë gjetur kokainë, municione luftarake dhe armë. 

”Shuplaka” mëson po ashtu se në pronësi të Gjepalit ka qenë edhe një mjet i blinduar. 34-vjeçari dyshohet se është i përfshirë në veprimtarinë kriminale të dokumentuar me prova ligjore nga ana e Specialistëve për Narkotikët.

DETAJET: 

Specialistët e Seksionit për Hetimin e Narkoitkëve në Drejtorinë Vendore të Policisë Durrës, në vijim të operacionit të koduar”Streha”finalizuar me sukses më datë 16.06.2017, ku u sekuestruan kokainë, municione luftarake dhe armë, më datë 09.10.2017 është ndaluar shtetasi:
• Emiljan Gjepali 34 vjeç, banues në Shijak.

Gjepali dyshohet se është i përfshirë në veprimtarinë kriminale të dokumentuar me prova ligjore nga ana e Specialistëve për Narkotikët.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Prodhimi dhe shitja e narkotikëve”, ” Prodhimi dhe mbajtja pa leje e armëve luftarake dhe e municionit”dhe” Prodhimi dhe mbajtja pa leje e armëve të gjuetisë dhe sportive” parashikuar në nenet 283/1, 278/4/5 dhe 280 të Kodit Penal.

Çfarë iu gjetën në banesë:

• 4 qese të mbushura me një sasi pluhuri me ngjyrë të bardhë e dyshuar me lëndë narkotike e llojit Kokainë, të futura në një kavanoz; rreth 150 gr.
• një peshore elektronike me mbishkrimin “LAICA”;
• Dy armë zjarri automatik, model 56 kal 7.62 mm;
• një armë zjarri pistolet tip “COLT’USA;
  • Një armë gjahu e markës “BERETTA”, kal 12 mm;
• Një pistoletë sportive, tip Super Conter;
• 264 fishekë luftarakë mob 56, kal 7.62 mm;
• 95 fishekë mod 54, kal 7.62 mm;
• 7 fishekë pistolete, kal 45;
• 65 fishekë për armë gjahu, kal 12 mm;
• dy krehera automatiku, mod 56;
• Një automjet tip Benz, i blinduar. 

(E.K/SHUPLAKA)