Zbulohen të tjera detaje nga sherri që ndodhi pak më parë në qytetin e Peshkopisë, ku mbeti i plagosur një efektiv policie.
Burime thanë për “Faxweb.al” se polici i plagosur nga dy persona është Bukurosh Zagradi, 50 vjeç, i cili ndodhet në spital jashtë rrezikut për jetën.
Konflikti dyshohet të ketë nisur mes dy familjeve për motive pronësie. Sipas informacioneve, ky është një konflikt i vjetër pasi edhe para pak muajsh familjet janë përplasur me njëra-tjetrën.
Një prej autorëve të plagosjes, shtetasi me iniciale R. M., është kapur, ndërsa tjetri është shpallur në kërkim.
(M. I./ Faxweb.al)
