Krimi makabër në Paskuqan erdhi si pasojë e debateve të mëparshme mes Erdet Çapokut dhe kunatës së tij, Enkeleda. Sipas informacioneve, Erdeti dhe Enekeleda jetonin bashkë deri para dy vitesh në një banesë me qira.
Por për shkak të mosmarrëveshjeve, Enkeleda e përzuri Erdetin. Ky i fundit doli në një shtëpi me të dashurën e tij, por pasi u nda ju rikthye sherreve me motrën e burrit. Ai i kërkonte asaj orenditë shtëpiake dhe Enkelda, për të shuar konfliktin, ia dha ato.
Por mesa duket 34-vjeçari nuk e fali asnjëherë kunatën që e detyroi të largohet nga shtëpia dhe e përndiqte vazhdimisht. Madje ai e filmonte atë dhe vajzën e saj 18-vjeçare teksa iknin në punë në një fabrikë këpucësh.
Më pas shkonte në burg dhe ia tregonte vëllait të tij, duke nxitur kështu sherr mes çiftit sepse ai nuk donte që Enkeleda të punonte.
E gjitha kjo situatë e detyroi kunatën që ta denonconte Erdet Çapokun për përndjekje dhe dhunë, çka solli një urdhër të menjëhershëm mbrojtjeje. 34-vjeçari e kërcënonte të ndjerën që ta hiqte denoncimin, përndryshe do ta vriste, kërcënim të cilin e finalizoi mbrëmjen e të enjtes.
