Të tjera detaje janë zbuluar nga ngjarja e ndodhur në lumin e fshatit Maricaj në Tepelenë, ku një bari gjeti një trup të pajetë.
Sipas burimeve, personi i gjetur është Arben Stambolliu nga Fieri i moshës mbi 50 vjeç. Sipas grupit hetimor i cili po punon për identifikimin, bëhet e ditur se trupi ka qenë i dalë në breg të lumit dhe deri tani nuk janë konstatuar shenja dhune në trupin e tij.
Viktima është endacak rrugësh dhe shpesh qarkullonte në drejtim të Greqisë. Viktima që u gjet i mbytur nuk është nga zona e Tepelenës, por sipas dëshmisë së bariut që e gjeti dhe katër personave të tjerë nga fshatrat Maricaj dhe Kortëz, ai ishte parë shumë herë në zonë dhe mendohet se është nga zona e Fierit. Familjarët e tij janë thirrur per ta identifikuar.
Nga Fieri kishte tre muaj që kishte humb kontaktet me familjarët, ndërsa mësohet se ishte i divorcuar dhe se kishte bërë disa muaj burg. Ai njihej si alkoolist, ndërsa në trup grupi hetimor i ka gjetur dokumentet e identifikimit dhe telefonin.
