Të tjera detaje kanë dalë në dritë nga vrasja e Kastriot Reçit në mes të Rrëshënit mesditën e kësaj të marte. Sipas burimeve nga spitali i Rrëshenit, Reçi është ekzekutuar me një plumb në zemër nga një snajper. Reçi ishte duke dalë nga lokali në momentin që autori e ka qëlluar nga larg.
Ai ishte edhe pronar i televizionit “Media Plus”. Forcat e policisë janë vënë në ndjekje të autorit, ndërsa kanë ofruar edhe 2 milionë lekë të rinj shpërblim për këdo që jep informacion mbi ngjarjen.
Sipas të dhënave paraprake, Kastriot Reçi nuk ishte një emër i panjohur për policinë, pasi më herët ishte përfshirë disa herë në trafikim të lëndëve narkotike. Deri tani po hetohet në pistën e hakmarrjes për prishje pazaresh, ndërsa kujtojmë që dy vjet më parë iu ekzekutua vëllai në Itali.
(M. I./ Faxweb.al)
