Të tjera detaje janë zbardhur nga aksidenti i rëndë i ndodhur rreth dy orë më parë në rrugën “Xhanfize Keko” në Tiranë, ku mbetën të vdekur në vend dy këmbësorë.
Edhe pse në fillim u raportua se viktimat ishin bashkëshortë, burime për “Faxweb.al” bëjnë me dije se ata një lidhje e tillë mes tyre nuk ekziston. Sipas informacioneve, ata ndodheshin afro 20 metra larg njëri-tjetrit tek vijat e bardha duke kaluar rrugën në momentin që ka ndodhur aksidenti tragjik.
Ndërkohë, “Faxweb.al” ka arritur të sigurojë edhe një foto nga vendi i ngjarjes. Në trotuar duket i mbuluar një prej trupave të pajetë të të aksidentuarve, ndërsa aty pranë duken edhe këpucët e hequra.
Po ashtu, në foto shihet që përplasja e makinave ka qenë aq fortë, saqë shtylla që gjendej aty afër është deformuar.
(M. I./ Faxweb.al)
