Kryeministri Edi Rama zgjodhi të dielën e djeshme që të shfaqej në publik së bashku me familjen. Bashkëshorten Linda jemi mësuar ta shohim përherë krah tij në evente të rëndësishme, madje dhe pjesë e ‘’photo of the day’’.
Nga ana tjetër djalin, Zahon, e kemi parë më rrallë me fytyrë. Dhe herët e pakta që janë shkrepur foto me të është munduar të shmanget publikimi i tyre me fytyrë.
Ai ka qenë zakonisht me kurriz dhe shumë shumë ballore me ndonjë pamje jo të qartë. Një zgjedhje kjo sa e çiftit kryeministror dhe sa e mediave që kanë respektuar privatësinë e të voglit.
Ndërkohë dje të gjithë ne ishim dëshmitarë të pamjes së Zahos, madje shumë nga afër me fytyrë ku dallohen dhe tiparet. E mbante në krah i ati, kryeministri, i cili zgjodhi të drekonte në një restorant shumë pranë çadrës së opozitës.
Në drejtim të tij nuk munguan as sharjet apo dhe patatet e hedhura, ndërkohë që kryeministri si për të treguar që ‘’nuk trembej’’ zgjodhi të mbante shumë pranë vetes dhe djalin e mitur.
Se pse kjo zgjedhje e bërë nga kryeministri nuk dihet ndërkohë që nuk kanë munguar as ‘’fjalët’’ se kjo ishte një tjetër strategji e Ramës për të tërhequr vëmendjen mediatike. Taktikë që nuk e ka lënë asnjëherë pa e vënë në përdorim.
Edhe kundërshtarët e tij demokratë u shprehën se Rama përdori djalin e tij për të mos u përballur drejtpërdrejtë me protestuesit.
Ndërkohë që nga e gjitha kjo, publiku ‘’përfitoi’’ të shihte për herë të parë fytyrën e të voglit Zaho. (E.K/SHUPLAKA)
Discussion about this post