Një ngjarje e rëndë ka ndodhur para pak minutash në qytetin e Vlorës. Në rrugën ‘’transballkanike” janë njoftuar të shtëna dhe për pasojë dy persona dyshohet të kenë mbetur të plagosur rëndë.
Ferdinat Llanaj dhe Dritan Begaj janë identitetet e dy të plagosurve të atentatit që ndodhi pak minuta më parë në Vlorë.
Ndërsa në zonën ku ndodhi ngjarja raportohet se djali 8-vjeçar i Ferdinant Llanaj ka mbetur i lënduar,i cili ka marrë vetëm gërvishje në krahë. Djali nuk ishte në makine por në zonë pasi Ferdinanti aty kishte shtepinë
Ndërkohë nuk dihet pse më herët policia e fshehu këtë detaj.
NJOFTIMI I POLICISË:
Vlorë Informacion paraprak shtesë
Në vijim të informacionit paraprak lidhur me ngjarjen e ndodhur në rrugën Transballkanike,Vlorë ku prej të shtënave me armë zjarri mbetën dy shtetas të plagosur, njoftohmi se në Spitalin Rajonal Vlorë ka shkuar për të marrë ndihmë mjekësore edhe një fëmijë. Konkretisht shtetasi B.Ll., 8 vjeç,(djali i shtetasit F.Ll), i cili prej të shtënave me armë zjarri ka marrë dëmtime në krahë, jashtë rrezikut për jetën. Në vendngjarje është gjetur edhe një armë zjarri tip Pistoletë, ende e paidentifikuar se kujt i përket. Policia po vazhdon hetimet për zbardhjen e plotë të ngjarjes.
(S.SH/Shuplaka)
Discussion about this post