Moti i keq shoqëruar me shi dhe erë të forte ka krijuar vonesa në mbërritjen e trageteve në Portin Detar të Durrësit.
Tragetet që duhet të mbërrinin rreth orës 7 janë dy orë me vonesë nga orari i zakonoshëm. Rigel 1 po akostohet në këto momente ndërsa Franceska sapo ka hyrë në akuariumin e Portit.
Shkak i vonesë mësohet te jetë bërë forca e detit që ka shkuar deri në 6 ballë në det te hapur. Për shkak të motit është pezulluar dalja e anijeve të peshkimit në det dhe atyre të tonazhit të vogël.
Po ashtu vonesa ka pasur dhe në mbërritjen e tragetit Vlorë Brindisi.
Shkak për këtë është bërë nisja me vonesë dhe përpunimi në palën italjane. Rreth ores 12 pritet të mbërrijë trageti në portin e Vlorës.
Nga kapiteneria e portit Vlorë bëhet me dije se nuk do të ketë pezullim të lundrimit për tragetin. Ndërsa anijet e vogla dhe peshkarexhat nuk lejohet të dalin në det të hapur, për shkak të dallgëzimit dhe erës së fortë.
(E.K/FAXWEB)
