“Detyrim kombëtar dhe kushtetues”, Basha apel Ramës: Dërgo mjekë në Luginën e Preshevës

Kreu i Partisë Demokratike, Lulzim Basha  i  është një thirrje publike qeverisë që të ndihmojë shqiptarët në Luginën e Preshevës, të cilët po përballen me pandeminë e COVID-19.

Teksa deri më tani janë regjistruar 5 raste me COVID-19 në Luginën e Preshevës, Basha propozon që të dërgohet asistencë mjekësore duke e konsideruar këtë si një ndihmë për shqiptarët atje dhe një detyrim thotë ai kombëtar dhe kushtetues.

“Lugina e Preshevës po përballet me pasojat e COVID-19. Për situatën e veçantë ku ndodhen, i bëj thirrje qeverisë të ofrojë asistencë shëndetësore përmes personelit mjekësor. Ndihma për vëllezërit dhe motrat tona atje, është detyrim kombëtar dhe kushtetues.”, shkruan Basha.

Kujtojmë se pak ditë më parë qeveria dërgoi në Itali 30 mjekë dhe infermierë në mbështetje të kolegëve të tyre në veri të vendit fqinj.

(F.GJ/FAXWEB.AL)