Një nga kandidatet në listën e hapur në Qarkun e Durrësit të Partisë Demokratike, Jola Hysaj, shprehet se disa e shohin Parlamentin si një vend pune dhe jo si mision. Hysaj, ashtu si të gjithë kandidatët e tjerë të listës së hapur në këtë qark, nuk arriti të fitonte, pasi PD mori 5 mandate, aq sa lista e mbyllur.
Jola Hysaj shkruan në një postim në rrjetet sociale se kur kandidimi për deputet bëhet një mënyrë për të siguruar status, përfitime apo rehati personale, atëherë përfaqësimi humb kuptimin.
“Një nga devijimet më të mëdha në politikën shqiptare është kur Parlamenti shihet si një vend pune, jo si një mision. Kur kandidimi për deputet bëhet një mënyrë për të siguruar status, përfitime apo rehati personale, atëherë përfaqësimi humb kuptimin.
