Deputeti i PD-së Agron Shehaj ka reguar ndaj dezertimit të 4 ushtarakëve shqiptarë në Angli. Sipas tij e gjithë kjo është një klithmë për ndihmë. “Dezertimi i katër ushtarëve në Angli është shumë i gabuar, por mendoj se për shumicën e shqiptarëve ata nuk janë tradhtarë: ata janë njerëz të thjeshtë dhe të varfër që gjetën një mënyrë për t’i shpëtuar mjerimit.”, shprehet Shehaj.
REAGIM:
Dezertimi i katër ushtarëve shqiptarë: NJË KLITHMË PËR NDIHMË! Dezertimi i katër ushtarëve në Angli është shumë i gabuar, por mendoj se për shumicën e shqiptarëve ata nuk janë tradhtarë: ata janë njerëz të thjeshtë dhe të varfër që gjetën një mënyrë për t’i shpëtuar mjerimit.
Refuzimi i tyre për t’u kthyer në Atdhe ndez dritën e alarmit dhe i tregon botës gjendjen e mjerueshme ku jetojnë shqiptarët. Askush nuk dëshiron të jetojë më aty ku mbizotëron krimi, korrupsioni dhe padrejtësia.
Katër të rinj që braktisin misionin e mbrojtjes së atdheut për një jetë më të mirë, janë treguesi i qartë që qytetarëve shqiptarë iu ka ardhur në majë të hundës.
Tradhëtarët e Shqipërisë dhe Shqiptarëve janë në qeveri, janë ministrat trafikantë dhe të korruptuar. (J.V/Faxweb)
Discussion about this post