Ambasadori amerikan në Shqipëri Donald Lu në aktivitetin e organizuar dje nga Parlamenti me Shoqërinë Civile, për komunitetin LGBTI dhe të drejtat e tij tha se disa deputetë duhet të kenë kujdes pasi sipas tij kanë shprehur qëndrime homofobe në publik, duke mos respektuar vullnetin e të gjithë qytetarëve që i kanë zgjedhur.
“Përgëzojmë politikanët që janë në këtë aktivitet. Ju keni kurajë të vërtetë politike. Kemi ndjekur debatin e nxitur nga komentet e bëra nga Ylli Manjani, Oriola Pampuri dhe Tritan Shehu. Shpresoj që drejtuesit politikë të kuptojnë se fjalët e tyre përfaqësojnë jo vetëm bindjet e tyre vetjake. por dhe të njerëzve të zgjedhur për t’i përfaqësuar. Shpresoj që edhe politikanët të jenë tolerantë”, tha Lu.
Kjo deklaratë e Lu-së shkaKtoi reagime të shumta ku deputeti I PD-së Tritan Shehu u shpreh se ishte shokuar nga kjo deklaratë e Lu-së, ndërsa Ylli Manjani, ish-ministër I drejtësisë tha se edhe ai po vëzhgonte me vëmendje debatin në Shtetet e Bashkuara të Amerikës, për dorëzimin e Drejtësisë shqiptare te qeveria aktuale. Për ish-ministrin, kjo çështje ka më shumë përparësi sesa çështje e LGBTI-ve.
por sot, si kundërpërgjigje ndaj tyre, ambasada amerikane në Tiranë ka postuar një deklaratë bërë prej Heather Nauert, Zëdhënëse e Departamentit të Shtetit, ku thuhet:
“Jam krenare që punoj për një administratë e cila e ka thënë me zë të lartë mbështetjen e saj në mbrojtje në personave LGBTI nga dhuna dhe diskriminimi. Qoftë në Muajin e Krenarisë, Ditën Shpirtërore, Ditën Kombëtare të Daljes Hapur, Ditën për Ndërgjegjësimin e Ndërgjinisë, apo Ditën Përkujtimore të Transgjinisë, ne kemi ngritur zërin në mbështetje të plotë të lirisë, dinjitetit dhe të drejtave të personave LGBTI. Dhe do të vazhdojmë ta bëjmë këtë.” Heather Nauert, Zëdhënëse e Departamentit të Shtetit”.
(B.H/FaxWeb)
