Kryeministri Edi Rama po merr pjesë në samitin e Ballkanit Perëndimor në Londër, bashkë me kryeministrat e këtyre vendeve.
Por duket se edhe pse në Londër ai e ka mendjen këtu, në Shqipëri. Ai ka publikuar dy foto në rrjetet sociale ku sipas tij tregohet qartë abuzimi me ndihmën ekonomike që ka ndodhur deri tani.
Sipas Ramës, F.P ka në pronësi një vilë 3 katëshe, por merrte asistencë sociale, ndërsa një kryefamiljar pa të ardhura, A.H, po në Malësinë e Madhe, nuk përfitonte ndihmë ekonomike.
Postimi i plotë i Ramës:
Lart vila 3 katëshe e F.P në Malësinë e Madhe që deri dje merrte çdo muaj ndihmë ekonomike dhe poshtë shtëpia e A.H po në Malësinë e Madhe që nuk përfitonte ndihmë ekonomike. Me skemën e re, F.P është përjashtuar dhe A.H është përfshirë në skemë.
Fotot tregojnë qartë se cila nga kto dy familje është në nevojë. Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.
(B.H/Faxweb)
Discussion about this post