Ilia Dhimitri, vetën 26 vjeç është i riu shqiptar që ka humbur jetën teksa ngjiste malin e Olimpit në Greqi.
Udhëtimi që Ilia kishte organizuar me mikun e tij 25-vjeçar, me të cilin studionin në një shkollë private së bashku në Selanik, me sa duket ishte i fundit për të.
26 vjeçari shqiptar nga Korça gjeti vdekjen, pasi u rrëzua nga një lartësi prej 200 metrash në greminë, ndërsa miku i tij mbeti i lënduar.
Bashkëudhëtari i tij arriti të mbahet në një pemë, ndërsa fatkeqësisht Ilia nuk mund të gjejë ndonjë mbështetje dhe u rrëzua duke gjetur vdekjen. Babai i djalit që arriti të mbijtetojë ka thënë për gazetën greke Protothema, se megjithë përpjekjet për ta shpëtuar, i biri nuk mundi. “Djali im zbriti, shkoi tek miku i tij, i lidhi kokën dhe e mbajti atë në duar derisa arritën shpëtuesit. Por për fat të keq ai kishte ndërruar jetë”.
PO ashtu vetë miku i Ilias ka qenë i tronditur nga ngjarja e rëndë teksa është shprehur ‘’më dhemb shpirti, unë nuk dua të mendoj për atë që kam jetuar atje lart”.
Gazeta greke shkruan se 26-vjeçari kishte ëndërr të udhëtonte në botë dhe të pushtonte sa më shumë maja të larta, por ëndrra u pre në mes pikërisht në malin ku sipas gojëdhënave jetojnë perënditë.
(E.K/FAXWEB)
