Iniciativa qytetare “Për Maqedoni të bashkuar” ka vazhduar edhe pasdite protestën kundër pranimit të Platformës shqiptare, e cila parashikon ndër të tjera përdorimin e zgjeruar të Gjuhës Shqipe.
Protestuesit kanë marshuar në të gjithë vendin por më tepër ka bërë jehonë në Shkup. Disa mijëra qytetarë kanë brohoritur parulla kundër Gjuhës Shqipe, duke kërkuar nga politikanët maqedonas mos të lejojnë zyrtarizimin e saj.
Sipas agjencive të lajmeve, protestuesit kanë lëshuar thirrje si “Dhoma gazi për shqiptarët”, etj.
Ndërkohë lideri i Lidhjes Social-Demokrate të Maqedonisë, Zoran Zaev në një intervistë për televizionin shtetëror kroat HRT, tha se platforma shqiptare është bërë në Maqedoni dhe jo në Shqipëri, dhe si e tillë nuk paraqet dhunë dhe konflikt të ri në këtë shtet. (J.V/Shuplaka)
