Ish-kryeministri Sali Berisha ka reaguar pas skandalit të publikuar nga emisioni investigative “Stop”, ku administratorja e një firme ka dhunuar gazetarin Genci Angjellari.
Berisha fajëson kryeministrin Edi Rama, lidhur me skandalin për derdhjen e mbetjeve spitalore në lumin Erzen.
“Ky eshte shteti i koncesioneve te Norieges!
Mbetjet spitalore jane mbetjet me te rrezikshme per jeten dhe shendetin e njerezve. Asgjesimi i tyre ne impiante te veçanta sipas protokolleve rigoroze, te cilat kane ekzistuar me pare ne Shqiperi, eshte i domosdoshem. Por koncesionet e Rames kane sjelle kete katastrofe te vertet mjedisore tejet te rrezikshme per jeten e njerezve.
Kompania koncesionare e Rames, ne vend te djegies se tyre ne furra te veçanta, helmon me to ujerat e pellgut Tirane-Durres. Ajo, ne vend se te perballet me ligjin godet gazetarin investigativ, gjen strehim ne shtetin e Norieges.
Duke i shprehur gazetarit solidaritetin e plote dhe mirenjohjen per hetimin e tij te guximshem, denoncoj krimin mjedisor dhe sulmin ndaj gazetarit si nje krim te vertet shteteror!”, reagon Berisha.
Kujtojmë se gjatë investigimit, administratorja e “Euroteam” Mirela Topulli, dhunoi gazetarin Genci Angjellari, pasi ky i fundit i tregoi se kishte zbuluar që kompania derdhte mbetje të rrezikshme spitalore në lumin Erzen. (D.D/Shuplaka)
