Ministri i Mirëqënies Sociale dhe Rinisës, Blendi Klosi, i ftuar në emisionin “Opinion”, ka folur lidhur me dhunën në familje.
Sipas tij, janë shtuar denoncimet, por ka rënë dukshëm numri i vrasjeve.
“Këtu është rasti që e gjithë shoqëria duhet t’a kuptojë se rasti i Korçës dhe i Fierit është një dhunë brenda familjes, ku nëna e fëmijëve ka pasur problematika të theksuara në raportet brenda familjes, ku bashkëshorti nuk punonte dhe ajo punonte. Pra ky mekanizmi i fuqizimit të gruas ndaj burrit, në atë familje është e kundërta, gruaja punonte ndërsa burri rrinte në shtëpi. Ajo e ka ndjerë vetën më superiore dhe ndoshta e vinte në presion të shoqin. I cili në një moment depresioni kreu një veprim që ka pas raste që e kanë bërë edhe shumë gra kohë më parë”, ka thënë Klosi.
Ministri shtoi gjithashtu se, në Shqipëri, vetëm për këtë vit, kanë urdhër mbrotje rreth 1.900 gra.
Discussion about this post