Dhuna në familje, njëri rreh nënën, tjetri vëllain, arrestohen dy persona

Ditën  e sotme Policia e Elbasanit ka arrestuar në flagrancë dy persona, pasi akuzohen për “Dhunë në familje”. Njëri prej tyre ka ushtruar dhunë fizike ndaj nënës së tij, dhe tjetri ndaj vëllait.

DETAJE:

Specialistët për Krimet, në Komisariatin e Policisë Cërrik dhe Peqin, bënë arrestimin në flagrancë të shtetasve: Amarildo Muça, 39 vjeç banues në Cërrik.

Arrestimi i tij, u bë pasi në banesë, gjatë një konflikti për motive të dobëta dyshohet të ketë ushtruar dhunë fizike ndaj nënës së tij, shtetases F.M., 66 vjeç.

Ndërsa 56-vjeçari Kujtim Kavaja, banues në fshatin Fatish në Peqin, u arrestua pasi gjatë një konflikti për motive pronësie dyshohet të ketë ushtruar dhunë fizike ndaj vëllait të tij, shtetasit A.K, 50 vjeç.

Ndaj tyre, materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje”. (J.V/Shuplaka)