Dhuna në Kuvendin maqedonas, reagon Gruevski

Lideri i VMRO-DMNE, Nikolla Gruevski, ka reaguar pas dhunës që shpërtheu në Parlamentin e Maqedonisë ku hynë protestues.

 “Dhuna nuk është zgjidhje dhe është e nevojshme ulja e tensioneve. Bëj thirrje që populli të përmbahet dhe të mos bjerë pre e provokimeve të atyre që dëshirojnë ta fusin shtetin në një krizë më të thellë dhe të plotësojnë skenarin e tyre”, shkruan Gruevski në Facebook.

Kjo situatë e jashtëzakonshme në Maqedoni, vjen si revolt pas zgjedhjes në krye të Kuvendit maqedonas të të parit shqiptar, Talat Xhaferi. Të paktën 2 mijë protestues janë futur edhe në ambientet e Kuvendit ku kanë sulmuar politikanët, liderin e LSDM-së Zoran Zaev si edhe deputetin shqiptar Ziadin Sela. (D.D/Shuplaka)