Derbi mes Tiranës dhe Partizanit nuk ka kaluar pa pasoja dhe përplasje mes tifozëve. Në një njoftim të Komisariatit nr.2 është konfirmuar se ka filluar procedimi penal për disa tifozë të cilët kishin dhunuar një “rival” pas ndeshjes mes ekipeve kryeqytetase.
Sipas njoftimit te Policise se Shtetit, “Më datë 02.12.2016, u referuan materialet në Prokurorinë e Rrethit Gjyqësor Tiranë, për shtetasit G.Z, K.SH., S.S., dhe E.T. (i dënuar më parë), vjeç 20, 20, 19 e 24, banues në Tiranë, pasi dyshohet se në rrugën “Muhamet Gjollesha”, pas ndeshjes “Tirana-Partizani”, janë konfliktuar njëri me tjetrin, duke dëmtuar në kokë, jashtë rrezikut për jetën, shtetasin Xh.Q. vjeç 19, banues në Tiranë, si dhe xhamat e mjeteve tip “Benz”, e “Fiat”, të parkuara”.
Derbi Tirana-Partizani u mbyll në barazim 0-0.
