Për sherrin në një kopësht në Korçë mes dejtoreshës dhe edukatores ka reaguar sot edhe kreu i DAR në qytet. Kristaq Grabocka thotë se do të merren masa për të dyja sipas ligjit. Po ashtu ai thotë se rasti është duke u shqyrtuar në të gjitha instancat.
“Rasti ështe duke u shqyrtuar nga të gjitha instancat përkatëse. Eshtë mbledhur komisioni i etikës dhe rasti po ndiqet me detaje. Ne si institucion që kemi rolin dhe përgjegjësine tonë do te veprojmë sipas ligjit i cili parashikon nga vërejtje, paralajmërim, masë dhe pezullim. Fjalën pezullim duhet ta kisha thënë të parën”, shprehet Grabocka.
Edukatorja e dhunuar Suzana Braimllari ka rrëfyer dje për “Fax News” momentet e tmerrit që përjetoi kur u dhunua nga drejtoresha e kopshtit, Laureta Asllani.
“Kam 32 vite në pun dhe s’më ka ndodhur ndonjëherë diçka e tillë. Prej tre muajsh më ushtronte drejtoresha dhunë psikologjike derisa ndodhi ngjarja e dhunës fizike. Raporti im me fëmijët dhe prindërit ka qenë korrekt.
Nuk kam marrë ndihmën në momentin në momentin që më bië të fikët…pasi I kërkova fletën ku thuhej se kishte ankesa ndaj meje drejtoresha më përplasi derën e drejtorisë duke më goditur dhe duke më tërhequr zvarrë nëpër shkallë. Kam arritur të shpëtoj dhe hyra në një klasë ndërsa ajo erdhi dhe më goditi në sy të fëmijëve,”- shprehet edukatorja.
(E.K/FAXWEB)
Discussion about this post