Kreu i grupit Parlamentar të Lëvizjes Socialiste për Integrim Petrit Vasili, ka reaguar lidhur me ngjarjen e ndodhur sot në Shkodër, ku u dhunua mjeku kirurg Besmir Grizhja.
Vasili akuzon kryeministrin Edi rama, të cilin e quan edhe “shkollëpakët”, për të gjitha ngjarjet e ndodhura këtë verë, duke kujtuar edhe tragjeditë në bregdetin shqiptar.
“Dhunohen mjekë, vazhdojnë të mbyten pushues në plazhe, zjarre në gjithë vendin, energjia elektrike mungon gjithandej, ujë s’ka edhe ne qendër të Tiranës, OKSFAM na rendit të 149-t në botë për diskriminimin e të varfërve, GALLUP thotë se afërsisht 60% e shqiptarëve duan të largohen nga Shqipëria dhe ky shkollëpakët me tre vjet universitet në krye të qeverisë na tregon përralla.
S’ka faj ky shkollëpakët që na qeveris, sepse sa më pak t’i kesh hedhur mendjes aq më pak kupton dhe aq më rehat je.
Dëgjesat u kthyen në përralla, kaq di shkollëpakti përtej perrallës nuk shkon dot.
Shqiptarët nuk i hanë përrallat , thjesht shkollëpakti gënjen veten.”, shprehet Vasili. (D.D/Shuplaka)
