Dy shtetas shqiptarë kanë përfunduar në pranga të policisë italiane, pasi një prostitutë bashkëpunoi me karabinierët pas dhunës që aa kishin ushtruar mbi të.
Sipas medias italiane Agi.it, bëhet e ditur se dy shqiptarët kishin krijuar një rrjet të madh prostitucioni rreth rrugës “Monte Rosa” në Milano. Mësohet se ata ishin shumë të dhunshëm.
Sipas policisë në pranga kanë rënë Indrit Arapi, 34 vjeç, i njohur dhe si koka e grupit të prostitucionit dhe bashkëpunëtori i tij i ngushtë Gentjan Hoxha, 45 vjeç.
Mësohet se shqiptari Arapi është dënuar me 4 vite e një muaj burg, ndërsa Hoxha me 3 vite e 8 muaj burg.
Pjesa tjetër e grupit dyshohet të jetë arratisur në Shqipëri pas dënimeve të dhëna ndaj tyre vitin e shkuar.
Vajzat rriheshin barbarisht dhe prostituta me orgjinë shqiptare është detyruar të bëjë denoncimin në polici. Ajo është strehuar tek të afërmit në periferi të qytetit dhe më pas ka denoncuar dy shqiptarët.
Arapi ishte drejtuesi i grupit, i cili merrte apartamente me qira ku kryhej aktiviteti.
Në disa raste makinat e tyre ndërroheshin brenda 20 ditëve.
Hoxha ishte në krye të rekrutimit të vajzave në Shqipëri apo Rumani, duke përdorur ndërmjetësit të cilët janë paguar rreth 800 € . Pasi të mbërrinin në Itali, secila prej vajzave duhet të “kalonin një provim”. Në rast se nuk pëlqeheshin nga shfrytëzuesit, ktheheshin në shtëpi.
Vajzat ishin marrë në Itali me vizë turistike.
(M.D/Shuplaka)
Discussion about this post