Drejtoresha e një gjimnazi, emri i të cilit nuk bëhet i ditur, është dhunuar ditën e djeshme në ambientet e brendshme të shkollës që ajo drejton.
Burime të policisë së Tiranës bëjnë me dije se është vënë në pranga shtetësja Ardiana H. 46 vjeçe, e cila akuzohet se ka dhunuar drejtoreshën e shkollës me iniciale V. G. 46-vjeçarja, nënë e shtetasit G. H. nxënës në këtë shkollë ka goditur drejtoreshën, ndërsa 18-vjeçarja me iniciale H. H. ka goditur me grushte derën e zyrës të drejtoreshës së shkollës duke e dëmtuar.
Materialet u referuan në Prokurorinë e Rrethit Gjyqësor Tiranë, për dy adoleshentë H. H., 18 vjeçe dhe G. H., 16 vjeç, banues në Tiranë. Këta persona kundërshtuan punonjësit e policisë gjatë veprimeve të tyre procedurale.
Detaje të policisë:
Më datë 30.05.2017, u arrestua shtetasi shtetësia Ardiana H., 46 vjeçe, banuese në Tiranë dhe u referuan materialet në Prokurorinë e Rrethit Gjyqësor Tiranë, për shtetasit H. H., 18 vjeçe dhe G. H., 16 vjeç, banues në Tiranë, sepse tek ambientet e brendshme të një shkolle, shtetësia Ardiana H. (nëna e shtetasit G. H., nxënës i kësaj shkolle), ka goditur drejtoreshën e kësaj shkolle, shtetasen V. G., ndërsa shtetësia H. H., ka goditur me grusht derën e zyrës së drejtoreshës duke e dëmtuar.
Gjithashtu shtetasit e sipërpërmendur, kanë kundërshtuar punonjësit e policisë gjatë veprimeve të tyre proceduriale. Parashikuar nga Nenet 236/2, 237 dhe 150 të Kodit Penal.
