Dhunohet në mes të qendrës tregtare, reperi i njohur shqiptar

Ai është një prej anëtarëve të rinj në botën e showbizz-it i cili është pëlqyer për stilin e veçantë e të bërit rep.

Ka rezultuar i suksesshëm në bashkëbunime me Kidën dhe Baby G por edhe në performancat e tij solo.

Pavarësisht gjithë këtyre të mirave dhe famës që ka duket se edhe problemet nuk kanë munguar për reperin Fero, pasi siç raporton “Gazeta Express”, mbrëmjen e së martës, ai është dhunuar nga katër persona. Ngjarja ka ndodhur pranë një qendre tregtare në Prishtinë, kur Fero po dilte nga kinemaja i shoqëruar nga një djalë dhe një vajzë.

Mësohet se makina me katër persona të paidentifikuar i ka ndaluar atij para këmbëve dhe personat në fjalë kanë nisur të ofendojnë reperin.

Fero ka tentuar të largohet, por autorët e kanë kapur dhe kanë nisur ta dhunojnë, ndërkohë që njëri prej tyre e kërcënonte me armë.

(E.K/FAXWEB)