Një ngjarje e rëndë është shënuar pasditen e djeshme në Vlorë, ku është dhunuar arkitekti i bashkisë Klaudio Mehmetaj.
Burime bëjnë me dije për Faxweb.al se autori i ngjarjes është biznesmeni Erjon Canaj, i cili kishte pasur një konflikt për çështje pronësie, ku është përfshirë edhe arkitekti Mehmetaj.
Canaj është pronar i një firme ndërtimi në Vlorë, si dhe i disa bareve në qytetin bregdetar.
“Seksioni i Hetimit të Krimit ka bërë arrestimin e shtetasit E.C pasi dyshohet se në bashkëpunim me shtetasin A.M (shpallur në kërkim), në lagjen “15 Tetori” kanë goditur për shkak të detyrës shtetasin K.M., me funksion arkitekt pranë Bashkisë Vlorë.
Materialet iu referuan Prokurorisë në ngarkim të secilit për veprime të mëtejshme”, njofton policia e Vlorës.
Ky dhunim i arkitektit të Bashkisë vjen pak ditë pas djegies së makinës së kryebashkiakut Dritan Leli, ndërsa situata në këtë qytet nuk është aspak e qetë.
(E.K/Faxweb.a)
Discussion about this post