Një person i moshës 17-vjeçare është arrestuar disa orë pasi në media u publikua një video e sulmit ndaj një gruaje rome në sheshin e Ferizajt.
Lajmin për Gazetën Express e ka konfirmuar majori i Policisë Rajonale të Ferizajt, Mehmetali Hajdini.
“Është arrestuar 17 një vjeçar nga Ferizaj. Është intervistuar nga policia dhe me urdhër të prokuroritpo mbahet në paraburgim”, ka thënë Hajdini.
Ai ka treguar edhe arsyen se përse gruaja viktimë që u sulmua në disa vende, pasi u denoncua në rrjetet sociale gabimisht se ajo po vidhte fëmijët.
“Jemi duke shikuar viktimën t’i gjejmë zgjidhje më afatgjatë me qendrën sociale dhe me avokatin e Popullit. Ajo është te ne momentalisht”, ka thënë ai.
Discussion about this post