Ministrja e Arsimit Rinisë dhe Sporteve Besa Shahini ka reaguar pas transmetimit të një videoje të mësueses së matematikës në Kukës e cila dhunonte nxënësit (lexo këtu).
Me anë të një statusi në rrjetin social Facebook, Shahini ka njoftuar se mësuesja që dhunoi nxënësit është pezulluar dhe ndaj saj po merren masa urgjente.
Ministrja Shahini është shprehur se nuk do të toleroj çdo lloj forme apo dhune ndaj nxënësve apo mësuesve brenda shkollave, qoftë kjo dhunë fizike, verbale apo psikologjike.
Postimi i Ministres Shahini
E kam të pamundur të toleroj çdo lloj forme të dhunës ndaj nxënësve apo mësuesve brenda shkollave, qoftë kjo dhunë fizike, verbale apo psikologjike.
Gjuha me të cilën mësuesja i referohet nxënëses dhe dhuna e përdorur në shkollën 9-vjeçare “Bajram Curri” në Kukës, nuk lë vend për justifikime.
Që sot, mësuesja është pezulluar dhe ndaj saj po merren urgjentisht masa.
Falenderoj emisionin Stop që e solli rastin në vëmendjen e autoriteteve.
