Policia italiane ka arrestuar një 25-vjeçar shqiptar, për shkak se ai dyshohet të ketë abuzuar me një prostitutë nigeriane.
“Magazine24.it” shkruan se një prostitutë nigeriane 17-vjeçare e ka kallëzuar të riun shqiptar në polici, se kishte abuzuar me të dhe më pas ishte larguar. Mirëpo pas denoncimit, karabinerët arritën të binin në gjurmët e tij.
Policia italiane raporton se shqiptari kishte rënë dakord me prostitutën nigeriane për të marrë shërbimet nga ajo për pak para, mirëpo në fund nuk i dha asnjë qindarkë. Pasi e kërcënoi shqiptari e dërgoi nigeriane në një zonë të izoluar, ku dhe ushtroi dhunë ndaj saj.
Pas mjekimit në spital, prostituta e re nuk e la çështjen me kaq, mirëpo e kallëzoi shqiptarin penalisht. I riu, identiteti i të cilit nuk bëhet i ditur, rezulton të jetë pa dokumente qëndrimi në Itali. Tanimë ai ndodhet në burg në San Vittore të Milanos. (D.D/Shuplaka)
