Një 65-vjeçar,i identifikuar si shtetasi Mark Gjokaj, është arrestuar nga policia e Shkodrës nën akuzën e dhunës dhe kërcënimeve të përsëritura ndaj bashkëjetueses së tij dhe fëmijës së tyre të mitur.
Sipas njoftimit zyrtar të policisë, Gjokaj kishte kërcënuar gruan dhe fëmijën e tij me jetë, duke krijuar një situatë të vazhdueshme frike dhe pasigurie.
Gjatë kontrollit në banesën e tij, shërbimet e policisë gjetën dhe sekuestruan një armë gjahu, e cila mbahej pa leje nga 65-vjeçari.
Materialet procedurale i janë dorëzuar Prokurorisë për veprime të mëtejshme.
Njoftimi i policisë:
Dhunonte vazhdimisht bashkëjetuesen e tij, në prezencë të fëmijës së tyre të mitur, dhe i kanoste të dy për jetën, kapet në flagrancë dhe vihet në pranga 65-vjeçari.
Sekuestrohet një armë gjahu, që ky shtetas e posedonte pa leje, në banesë.
Shërbimet e Komisariatit të Policisë Shkodër, pas marrjes së njoftimit nga një shtetase, se bashkëjetuesi i saj e kishte dhunuar vazhdimisht dhe e kishte kanosur për jetën, kanë ndërhyrë menjëherë për kapjen e këtij shtetasi.
Si rezultat i veprimeve të shpejta, është arrestuar në flagrancë shtetasi shtetasi Mark Gjokaj, 65 vjeç.
Gjatë kontrollit në banesë, shërbimet e Policisë kanë gjetur dhe sekuestruar një armë gahu, që ky shtetas e mbante pa leje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post