Është vënë në prangat e policisë mësuesja e një shkolle 9-vjeçare në Tiranë, e cila dhunonte nxënësit e klasës së parë.
Policia e Tiranës ka arrestuar mësuesen Fatime Vata, e cila u filmua teksa terrorizonte dhe dhunonte vogëlushët e klasës së parë në shkollën “Skënder Luarasi” në kryeqytet.
Rasti u bë publik mbrëmjen e djeshme në emisionin invetigativ “Stop”, ku ajo shfaqej duke ushtruar dhunë psikologjike dhe fizike ndaj fëmijëve gjatë orës së mësimit.
Kamerat e fshehta të “Stop” kanë regjistruar ditë mësimi në këtë klasë nën kujdestarinë e Vatës, e cila i ofendon fëmijët me fjalor rruge dhe i godet për shkaqe fare të dobëta. (XH.A/SHUPLAKA)
