Policia e Himarës ka identifikuar dy personat që lënduan me armë zjarri imituese një shofer taksie. Sipas policisë dy autorët janë K.B., dhe G.Ç., të cilët ishin pasagjer në mjetin taksi me drejtues shtetasin B.G., dhe udhëtonin në aksin rrugor Himarë-Palasë, në momentin që kanë vënë re një pikë kontrolli të ngritur nga Policia në vendin e quajtur ”Ura e Palasës” kanë detyruar nën kërcënimin e armës imituese shoferin të ndërronte drejtimin e rrugës.
DETAJE:
Policia dokumenton ngjarjen e ndodhur në Himarë, ku dy shtetas dëmtuan më armë zjarri imituese një shofer taksie ! Nga veprimet hetimore të kryera prej Policisë, ka rezultuar se : Dy autorët, tashmë të identifikuar nga Policia, konkretisht, shtetasit K.B., dhe G.Ç., të cilët ishin pasagjer në mjetin taksi me drejtues shtetasin B.G., dhe udhëtonin në aksin rrugor Himarë-Palasë, në momentin që kanë vënë re një pikë kontrolli të ngritur nga Policia në vendin e quajtur ”Ura e Palasës”, të dy këta shtetas kanë detyruar nën kërcënimin e armës imituese shtetasin B.G., të ndërronte drejtimin e rrugës.
Drejtuesi i mjetit nuk ka pranuar dhe janë konfliktuar me njëri-tjetrin, ku njëri nga autorët e ka qëlluar me armën imituese duke e lënë të dëmtuar. Të dy shtetasit e lartpërmendur i kanë marrë vetëm çelsat e mjetit dhe janë larguar duke përfituar edhe prej terrenit dhe errësirës.
Nga hetimet e kryera nga ana e Policisë ka rezultuar se të dy këta shtetas janë edhe autorët e ngjarjes së ndodhur më datë 12.12.2017, në hyrje të Orikumit, ku mbeti i plagosur një shtetas. Ndërkohë Policia po vijon intesivisht punën për kapjen dhe ndalimin e tyre. Materialet do ti referohen Prokurorisë Vlorë, ndaj shtetasve K.B. dhe G.Ç., për veprën penale ”Heqja e paligjshme e lirisë”, e parashikuar nga neni 110/2 i Kodit Penal. (J.V/Faxweb)
