Në Klos janë arrestuar 3 persona pasi kanë kundërshtuar me dhunë punonjësit e policisë.
Në prangat e policisë kanë rënë Seldio Ballazhi, 31 vjeç, Vilson Ballazhi, 21 vjeç dhe Adrian Kurti, 22 vjeç, të gjithë banues në fshatin Gurrë e Madhe-Klos.
Arrestimi i tyre u bë pasi, në qytetin e Klosit shtetasit e mësipërm në bashkëpunim me njëri tjetrin janë konfliktuar për motive të dobëta me disa persona të tjerë, dhe kur kanë ndërhyrë shërbimet e policisë për të parandaluar konfliktin e mëtejshmëm, të rinjtë kanë kundërshtuar me dhunë punonjësit e policisë të Stacionit të Policisë Klos.
Materialet proceduriale i kaluan Prokurorisë Rrethit Gjyqësor Mat për veprën penale “Kundërshtim i punonjësit të policisë së rendit publik”, parashikuar nga neni 236/2 i Kodit Penal. (J.V/Shuplaka)
Discussion about this post