Tre persona janë arrestuar nga policia e Korçës për dhunë të papreçedentë ndaj një 56 vjeçari, i cili më pas ka gjetur vdekjen. Siç raporton policia, Arben Nazif 56 vjeç, Emiljano Nazif 30 vjeç dhe Edison Nazif 30 vjeç,( xhaxhai dhe dy nipërit e tij) janë arrestuar pasi kanë dhunuar rëndë 56 vjeçarin N.F, i cili ka gjetur vdekjen gjatë natës.
Njoftimi i policisë
Në vijim të informacionit paraprak datë 24.08.2018, ju informojmë se specialistët e Sektorit për Krimet e Rënda, në Drejtorinë Vendore të Policisë Korçë, bënë ndalimin e shtetasve:
- Arben Nazif, 56 vjeç,
- Emiljano Nazif, 30 vjeç
- Edison Nazif, 30 vjeç, të tre banues në Korçë (xhaxhai dhe dy nipërit e tij).
Ndalimi i tyre u bë pasi më datë 23.08.2018, rreth orës 16:00, këta shtetas në bashkëpunim midis tyre pas një konflikti për motive të dobëta, në lagjen nr 8, kanë plagosur rëndë me grushta e shkelma shtetasin N.F, 56 vjeç, banues në Korçë, i cili si pasojë e kësaj dhune fizike dyshohet se ka gjetur vdekjen gjatë natës në banesën e tij. Vijon puna për sqarimin e plotë të rrethanave të kësaj ngjarje dhe priten konkluzionet përfundimtare të ekspertizës mjeko-ligjore. Materialet në ngarkim të tyre i kaluan Prokurorisë të Rrethit Gjyqësor Korçë për veprat penale: “Plagosja e rëndë me dashje, me pasojë vdekjen, e kryer në bashkëpunim” parashikuar nga nenet 88/2 e 25 të Kodit Penal.
(J.D/Faxweb.al)
Discussion about this post