Këngëtarja me origjinë shqiptare, Bebe Rexha po korr sukses në gjithë botën me hitet e saj. Këngëtarja ka performuar së fundmi në Seattle, ku sigurisht nuk mungoi as audienca shqiptare të cilët i kanë bërë një dhuratë këngëtares.
Ylli i “I Got You’ e ka publikuar dhuratën në rrjetet sociale, ndërsa shprehet se është dhurata e saj e preferuar. “O zot, kjo është xhaketa ime e preferuar.”- shkroi këngëtarja e cila mbante veshur xhaketën.
Gjatë muajit mars, Bebe Rexha do të jetë në një tur në më shumë se 20 shtete të SHBA-ve për të promovuar albumin e saj: “All Your Fault”.
Artistja me prejardhje shqiptare ka folur për rrugën e vështirë për të arritur aty ku është në industrinë e muzikës.
Mes tjerash ajo ka rrëfyer edhe për familjen e saj duke treguar për prejardhjen e tyre shqiptare.
Bebe Rexha (lindur më 30 gusht, 1989) është një këngëtare dhe tekstshkruese shqiptare që jeton dhe punon në Shtetet e Bashkuara. Ajo është bëre e njohur me pjesëmarrjen e saj në këngët hit të “Take Me Home” nga Cash Cash dhe “Hey Mama” nga David Guetta, gjithashtu ajo është vokalistja kryesore e grupit amerikan Black Cards i krijuar nga Pete Wentz, dhe ka qënë bashkëautore e këngës nr.1 në Billboard Hot 100 në SHBA, këngës “The Monster” nga Eminem ft. Rihanna.
(M.D/ Shuplaka)
Discussion about this post