Ndonjëherë kur mendon për mirë mund të rezultojë edhe për keq. Kështu u ka ndodhur tre refugjatëve në Gjermani, të cilët menduan t’i bëjnë një dhuratë për Vit të Ri kancelares Angela Merkel.
Por me këtë veprim, ata padashur shkaktuan një aksion policor.
Tre refugjatët, Arash Esmailzadeh, babai i tij, Mohamad Esmailzadel dhe nëna Nagris Esmailzadeh Naunheim dhanë dhuratën për kancelaren në një postë pranë pikës së karburantit në Naunheim.
Por për punonjësen e postës kjo paketë dukej e dyshimtë për shkak të atentatit të fundit në Berlin, e për këtë shkak ajo lajmëroi policinë.
Pas telefonatës së punonjëses, forcat policore janë vënë në aksion dhe kanë bllokuar pikën e karburantit dhe kanë hyrë në postë për të kontrolluar pakon, madje edhe me qen për t’i ndjerë erën.
Por megjithatë, policia nuk zbuloi asgje.
Në pako nuk ndodhej asgjë e dyshimtë dhe kancelares tanimë duhet t’i ketë mbërritur në shtëpi. (D.D/Shuplaka)
