Moderatorja Luana Vjollca, e cila prej disa ditësh ka qenë në qendër të mediave rozë lidhur me incidentin me fansin e çmendur ku ajo bashkë me mikun e saj u përfshinë, ka reaguar së fundmi.
Përmes menaxherit të saj, ajo ka mohuar që të ketë marrë lule, dhurata nga Besmir Lila, duke u shprehur se vetëm e ka përndjekur dhe shqetësuar. Ajo ka ngritur shqetësimin për viktimizimin dhe mbështetjen që po i jepet një “të sëmuri mendor”.
Në reagimin e dhënë për gazetën “Express”, menaxheri i saj ka theksuar se Luana Vjollca është përpjekur ta shmangë në çdo mënyrë, ndërkohë që avokatët e tij do të thonë gjithçka për ta mbrojtur.
“Është një rast i paprecedentë që mund të përfundonte tragjikisht. Nuk është marrë dhe as pranuar absolutisht asnjë dhuratë apo lule nga ai person, përveç shqetësimeve e përndjekjeve me muaj të tërë. Na vjen keq që po abuzohet me këtë pjesë e po mundohet të shtrembërohet e vërteta. Luana është munduar ta shmangë në çdo mënyrë. Avokatet e tij do thonë gjithçka që ta mbrojnë apo nga kudo ku dalin këto deklarata po bëhen për ta lehtësuar gjykimin e tij!!,”- është shprehur menaxheri i saj.
(XH.A/SHUPLAKA)
