Dhurata perfekte për Shën Valentin, sipas shenjës së horoskopit

Nëse ky është Shën Valentini i disatë që kaloni me të dashurën e zemrës e sigurtë që për dhuratën jeni në dilemë!

Tashmë në ndihmë ju vijnë yjet.

Shenja e zodiakut tregon shumë për karakterin e një njeriu ndaj nëse do zgjidhni një nga dhuratat e mëposhtme e sigurtë që nuk do të gaboni.

Ujori
Një kuti me produkte për kujdesin e lëkurës e flokëve
Kjo shenjë pëlqen të kalojë kohë vetëm e të kujdeset për veten ! Një dhuratë e tillë do i pëlqejë pa masë sepse e sigurtë që do të përdorë çdo produkt në shportën që ju do i dhuroni.

Peshqit
Si një shenjë uji, peshqit vlerësojnë gjërat e personalizuara dhe artistike. Më mirë t’i shkruani një letër dashurie apo t’i pikturonit diçka sesa të shkonit në një argjendari e të blinit një varëse.

Dashi është një shenjë tejet energjike, ndaj çdo dhuratë që i stimulon ata fizikisht do t’i bënte të ndiheshin mirë. Nëse jeni të sigurtë që nuk do të jepnit mesazhin e gabuar, mund t’i dhuronit një tapet joga apo aksesorë sportivë.

Demi pëlqen kur rrethohet nga natyra dhe e bukura. Një buqetë me lule do të mbetet gjithmonë një ide romantike.

Binjakët
Si një shenjë që pikën më të fortë ka komunikimin dhe gjatë gjithë kohës është në kontakt me njerëzit një dhuratë që lidhet pikërisht me mjetet që ndihmojnë binjakët të komunikojnë do të ishte një ide e mirë. Një kasë telefoni e personalizuar do t’i pëlqente shumë binjakëve.

Gaforrja gjatë gjithë vitit ju ka vendosur përpara vetes dhe gjithmonë kanë bërë çmos që t’ju plotësojnë çdo nevojë apo dëshirë. Një dhuratë e çmuar si një varëse e personalizuar do të ishte një ide gjeniale.

Luani pëlqen jetën e luksit dhe tërhiqet pas gjërave materiale ! Dhurata e peshqeve (një piktura) luanit do i dukej gjëja më e pavlerë pasi nuk do të mundte ta përdorte ! Dhurojini një çantë një palë këpucë apo një veshje dhe do të shihni sa të lumtur do të jenë.

Virgjëresha
Një bllok shënimesh të personalizuar ! Virgjëresha është shenja më e organizuar e zodiakut ndaj do të ketë nevojë për një dhuratë të tillë

Peshorja
Një arratisje në fundjave ! Është një shenjë që pëlqen të kalojë kohën me të dashurën e zemrës dhe të bien në monotoni është gjëja që kanë më frikë ! Organizoni një fundjavë jashtë qytetit ku jetoni dhe peshorja do të ndihet personi më fatlum në botë .

Akrepi
Një ditë e kaluar në Spa!

Shigjetari
Si shenja që udhëton më shumë, nëse nuk mundeni të përballoni financiarisht një udhëtim mund t’i bëni dhuratë aksesorë si mbajëtese dokumentash apo një çantë udhëtimi.

Bricjapi

Duhet të keni kujdes kur zgjidhni dhuratën e një bricjapi sepse nëse nuk qëlloni në shenjë, do i mbetet hatri! Është shumë i kujdesshëm nkur bën dhurata, ndaj pret të njëjtën gjë nga ju! Duhet ta njihni mirë që t’i gjeni diçka që vërtetë do e pëlqejë e nuk do e hedhë në një cep të dhomës sapo të mbërrijë në shtëpi.

(F.M/Faxweb)